أماسي كان عمرها ١٧ بس- لسة حياة طويلة قدامها؛ لكن وخزة الشوكة كان ليها كلام تاني.

دا بورينل كيف انو كل حاجة ممكن تتغير في لمح البصر- كيف أصغر شوكة تتسبب في أكبر تغيير ووضع عقبات ما هينة.

اليوم ما عايزين تراجع. خلونا نتكلم اكتر عن المايسيتوما!

المايسيتوما واحد الأمراض الصامتة:

بدايته رغم انها متواضعة لكن فجأة بيتطور.

المٌلاحظ كثير من مضاعفاته غير مؤلمة، ولكن قد يكون فات الأوان لمن تبدأ تحس بالألم.

🔻 هي زاتها الكتلة الصغيرة البتبدأ الحكاية دي.

فلخلينا نمشي شوية أعمق ونعرف:

شنو الممكن يحصل لو تُركت الميسيتوما دون علاج 🤔؟

1⃣ تشوّه القدمين واليدين

ودا بسبب تفاعل النسيج الليفي وتكوّن الجيوب المتعددة.

2⃣ العدوى البكتيرية الثانوية

 الآفات الناتجة عن المرض بتخلي المنطقة المصابة أكثر عرضة لدخول البكتيريا.

3⃣ تضرر العظام وتدمرها

ودا من المراحل المتقدمة والمؤلمة للمرض، في المرحلة دي بتظر آفات مثقبة للعظم.

4⃣ الاعتلال العصبي

المايسيتوما ممكن تقود إلى تلف في الجهاز العصبي في المراحل المتأخرة.

5⃣ الانتشار خلال أجهزة الجسم

في المراحل المتقدمة برضو؛ العدوى ممكن تنتشر إلى أنحاء الجسم.

6⃣ البتر

للأسف دا لمن تكمل كل الخيارات وما يفضل حل تاني؛ غالبا بيكون عشان التدمر الكبير الحصل للعظام أو للعدوى المستمرة.

خلونا نأخذ الموضوع بجدية اكتر؛ ونوّحد صوتنا عشان مرضى المايسيتوما ما يشوفوا ألم📢🌟.